Jónas Hallgrímsson 1807–1845

Jónas fæddist á Hrauni í Öxnadal og ólst upp á Steinsstöðum hinum megin í dalnum. Faðir hans drukknaði í Hraunsvatni þegar Jónas var á níunda ári. Jónas nam í Bessastaðaskóla og naut þar meðal annars kennslu Sveinbjarnar Egilssonar. Árið 1832 sigldi hann til Kaupmannahafnar og byrjaði að læra lög við Hafnarháskóla en sneri sér brátt að námi í náttúrufræði. Á árunum 1839– 1842 dvaldi Jónas á Íslandi við rannsóknir á náttúrufari og landsháttum. Ferðaðist hann þá um landið á sumrin en hafði vetursetu í Reykjavík. Seinustu þrjú   MEIRA ↲

Jónas fæddist á Hrauni í Öxnadal og ólst upp á Steinsstöðum hinum megin í dalnum. Faðir hans drukknaði í Hraunsvatni þegar Jónas var á níunda ári. Jónas nam í Bessastaðaskóla og naut þar meðal annars kennslu Sveinbjarnar Egilssonar. Árið 1832 sigldi hann til Kaupmannahafnar og byrjaði að læra lög við Hafnarháskóla en sneri sér brátt að námi í náttúrufræði. Á árunum 1839– 1842 dvaldi Jónas á Íslandi við rannsóknir á náttúrufari og landsháttum. Ferðaðist hann þá um landið á sumrin en hafði vetursetu í Reykjavík. Seinustu þrjú æviár sín dvaldist hann í Danmörku og hugðist semja Íslandslýsingu byggða á rannsóknum sínum úr Íslandsferðinni en hann dó frá því verki óloknu. – Jónas stofnaði tímaritið Fjölni 1835 ásamt þeim Konráði Gíslasyni, Brynjólfi Péturssyni og Tómasi Sæmundssyni en þeir voru allir skólabræður frá Bessastöðum. Fyrsta hefti Fjölnis hófst á kvæði Jónasar, Ísland farsælda frón, og má segja að það marki stefnu ritsins. Í því kemur vel fram hin rómantíska dýrkun sögualdar og trúin á landið en Jónas var ásamt Bjarna Thorarensen einn helsti boðberi rómantísku stefnunnar á Íslandi jafnfarmt því sem hann stóð föstum fótum í upplýsingarstefnunni og trúði á gildi þekkingarinnar og útbreiðslu hennar meðal almennings.   ↑ MINNA