Jón Björnsson ritstjóri 1891–1930

Jón Friðrik Björnsson var fæddur 14. júní 1890, sonur Björns Friðrikssonar og Kristrúnar Sveinsdóttur í Efstakoti. Hlaut hann hefðbundna skólagöngu, fór 16 ára í Gagnfæðaskóla á Akureyri, en lauk ekki prófi. Stundaði sjómennsku framanaf á Dalvík og tók þá virkan þátt í félagsstörfum af ýmsu tagi, (málfundafélag, leiklist, íþróttir) ,en snemma hneigðist hugurinn að ritstörfum.
Kvæntur Dýrleifu Tómasdóttur prestsdóttur frá Völlum og hófu þau búskap á Dalvík, fluttu til Reykjavíkur 1918 þar sem Jón fékk starf á Morgunblaðinu sem   MEIRA ↲

Jón Friðrik Björnsson var fæddur 14. júní 1890, sonur Björns Friðrikssonar og Kristrúnar Sveinsdóttur í Efstakoti. Hlaut hann hefðbundna skólagöngu, fór 16 ára í Gagnfæðaskóla á Akureyri, en lauk ekki prófi. Stundaði sjómennsku framanaf á Dalvík og tók þá virkan þátt í félagsstörfum af ýmsu tagi, (málfundafélag, leiklist, íþróttir) ,en snemma hneigðist hugurinn að ritstörfum.
Kvæntur Dýrleifu Tómasdóttur prestsdóttur frá Völlum og hófu þau búskap á Dalvík, fluttu til Reykjavíkur 1918 þar sem Jón fékk starf á Morgunblaðinu sem aðstoðarritstjóri og eftir það varð blaðamennskan aðallífstarf hans.
Jón var prýðisvel ritfær, óvenju afkastamikill og fékkst við allar greinar skáldskapar.
Fyrsta skal telja smásögusafn, " Ógróin jörð " þá skáldsögurnar " Hinn bersyndugi og Jafnaðarmaðurinn," leikritið " Tveir heimar" og svo ljóðabókina " Sóldægur " sem hefur að geyma mörg gullfalleg kvæði!
1928 flytja þau hjónin aftur til Akureyrar og þar hóf Jón að gefa út blað, sem nefndist Norðlingur og helt því út meðan heilsan leyfði. Hann andaðist eftir alvarlega skurðaðgerð aðeins fertugur að aldri og lét eftir sig konu og tvo syni 7 og 15 ára.
" Var hann hinn ljúfasti heimilisfaðir og mörgum harmdauði, eins og ávallt er góður drengur hnígur í valinn fyrir aldur fram. "
Jón var hugsjónamaður, bæði sem blaðamaður og skáld og vel getur átt við hann erindi er hann kvað um annan mann:
Hann átti sér órætta drauma
um uppsprettur nýrra strauma,
er svöluðu, frjóguðu fósturjörð
og fæddu hrjáða og auma.
( Heimildir Íslendingur 29. 08. 1930 )   ↑ MINNA