Júlíus Friðriksson frá Hverhóli 1926–2007

Júlíus Dalmann Friðriksson fæddist 9. október 1926 á Hverhóli í Skíðadal og ólst þar upp með foreldrum sínum þeim Svanfríði Gunnlaugsdóttur og Friðriki Jónssyni.
Júlíus var þriðji elstur af 8 systkinum og naut hefðbundinnar skólagöngu í Skíðadal, en á þeim árum var farskóli, m.a. á Þverá í Skíðadal.
Árið 1947 flutti fjölskyldan að Gröf í Svarfaðardal. Júlíus fór ungur að aldri í vinnumennsku, en á árunum 1955-1960 tók hann við búi foreldra sinna í Gröf, þar til 1996 að hann flutti til Dalvíkur og bjó þar til dauðadags,   MEIRA ↲

Júlíus Dalmann Friðriksson fæddist 9. október 1926 á Hverhóli í Skíðadal og ólst þar upp með foreldrum sínum þeim Svanfríði Gunnlaugsdóttur og Friðriki Jónssyni.
Júlíus var þriðji elstur af 8 systkinum og naut hefðbundinnar skólagöngu í Skíðadal, en á þeim árum var farskóli, m.a. á Þverá í Skíðadal.
Árið 1947 flutti fjölskyldan að Gröf í Svarfaðardal. Júlíus fór ungur að aldri í vinnumennsku, en á árunum 1955-1960 tók hann við búi foreldra sinna í Gröf, þar til 1996 að hann flutti til Dalvíkur og bjó þar til dauðadags, síðustu árin á Dalbæ heimili aldraðra.
Júlíus var söngmaður og var um árabil í kirkjukór í Svarfaðardal, um tíma í Karlakór Dalvíkur og síðast í Mímiskórnum.
Júlíus fór ungur að árum að fást við ljóðagerð og til er eftir hann fjöldi ljóða.
Á hann nokkur ljóð í " Rimar-ljóð og lausavísur úr Svarfaðardal "og einnig er til heftið "Ýmis ljóð" sem tekið var saman en ekki gefið út .
   ↑ MINNA