Aðalsteinn Sveinbjörn Óskarsson 1916–1999

Fæddur 16. ágúst 1916 að Hverhóli í Skíðadal og ólst þar upp elstur af 6 systkinum.
Hann varð búfræðingur frá Hólaskóla 1938 Kvæntist 1939 konu sinni Sigurlaugu Jóhannsdóttur frá Brekkukoti í Hjaltadal. Bjuggu þau síðan á hluta jarðar að Kóngsstöðum og á Ytri Másstöðum í Skíðadal á árunum 1939 - 1950. Verslunarmaður hjá KEA á Dalvík frá 1950 - 1976.
Aðalsteinn var oddviti Dalvíkurhrepps 1962-´66, meðhjálpari í Upsa- og Dalvíkurkirkju í 18 ár, en utan þess tók hann virkan þátt í störfum fjölda félaga.
Árið 1976 flytur hann til Akureyrar, þá orðinn ekkjumaður og vann fyrst hjá KEA og síðan á dagblaðinu Degi.
Sambýliskona hans frá 1979 var Sigrún Guðbrandsdóttir, en hann lést 13. febr. 1999