Birkimelur, bærinn minn.

Bæjarhóllinn minn besti
Birkimel hefur alið.
Heimamenn, góða gesti,
guðsvernd þú hefur falið.
Björkin sig forðum breiddi
á börðin og lautir þínar,
við túngarðinn traustur vörður
með tásur af lyngi fínar.

Ég byggði mér býli á hólnum
besti kostur var talinn,
í stefnu suðuraf Stólnum,
fyr stormum er einatt falinn.
Svo hafa vættir sagt mér,
að síst þurfi nokkru að kvíða,
og heilladísirnar haldi vörð
um hólinn minn kæra og fríða.