Verkbeðni

Aftur kem ég nú á þinn fund
eilítið fætur slitnað hafa,
gladdist ég þó á góðri stund,
það gerðist í viku, ég snjó fékk kafa.
Klaka og aur ég kafa fékk,
karlinn sem ók var verklaginn
aftan í mér þó annar hékk
í aurdrullufeni, hérna um daginn.
Nú skalt þú að því gefa gaum
er greini ég frá af þessu og hinu,
ljósin í stuðara eru aum
og engin sturta á rassgatinu.
Þú átt að smyrja minn þreytta kropp,
þukla í gír og drifi mínu,
athuga vel hvern einan kopp
svo allt hér nú verði í lagi fínu.
Hjartsláttur minn er heldur ör,
hugaðu líka að batteríi,
svo alltaf ég veki yndi og fjör
einkum með fólk í sumarfríi.
Ég veit að þú skilur vinur minn
að viðhald mitt þarf að vera í lagi.
Sæll verð þú ætíð, Siggi minn,
sýndu mér snilld í þínu fagi.