Hólmfríður María Benediktsdóttir 1840–1930

Hólmfríður María Benediktsdóttir var fædd að Hömrum nálægt Akureyri 27. nóvember 1840. Hún missir föður sinn ung og móður sína rúmlega tvítug. Flækist sem vinnukona um Þingeyjarsýslu en er titluð vinnukona á Urðum í Svarfaðardal frá 1884. Á Urðum voru um tíma þrjár konur sem hétu Fríða Litla Fríða, Stóra Fríða og Hólmfríður sem fékk viðurnefnið Fríða gamla sem breyttist síðar í Gamla. Gamla fluttist að Hofi í Svarfaðardal á gamalsaldri 1925 með einu af þeim börnum sem hún hafði gætt á Urðum, Arnfríði Sigurhjartardóttur og manni hennar Jóni Gíslasyni. Hún lést á Hofi árið 1930.