BRAGI - óðfræðivefur

Safn:

Bragi – óðfræðivefur heilsar nú aukinn og tvíelfdur þar sem Vísnavefur Skagfirðinga hefur runnið saman við hann með öllum sínum lausavísnafjölda (sjá fellilistann: Safn).

Hvor vefur heldur þó sínum einkennum en nú eru unnt að leita í hvorum grunni fyrir sig en einnig í grunnunum sameiginlega.

Á Skagafjarðarvef er gríðarmikið safn lausavísna eftir fjölda höfunda. Á Braga eru lausavísur miklu færri enda er hann fremur ljóða- og bragfræðigrunnur og einingar hans þar af leiðandi fleiri. (Sjá nánar um Braga og þróun hans á Bragþingi).

Allar ábendingar um villur eru vel þegnar og eru menn fyrst í stað beðnir um að senda leiðréttingar og athugasemdir í tölvupósti til umsjónarmanna:

Til Kristjáns Eiríkssonar kriseir[hjá]hi.is vegna Braga – óðfræðivefs og til Unnars Ingvarssonar skjalasafn[hjá]skagafjordur.is vegna Vísnavefs Skagfirðinga.

Bjarki M. Karlsson sér um forritun og gagnagrunna.

Bragarhættir

Hér eru bragarhættir lausavísna og ljóða frá upphafi vega. Hættirnir eru flokkaðir eftir kveðskapargreinum og þeim lýst myndrænt. Þá er hægt að slá upp flestöllum skráðum kveðskap (öðrum en lausavísum) í Braga undir viðkomandi hætti.

Höfundar

Hér er yfirlit yfir höfunda sem eru skráðir safninu, æviágrip og ártöl. Greint er rækilegar frá þeim sem kveðskapur er birtur eftir en hinum sem aðeins hafa verið bragteknir.

Ljóð

Hér eru heil kvæði og ljóð en ekki lausavísur. Fjöldi ljóða hefur aðeins verið bragtekinn, þ.e.a.s. heiti þeirra er skráð og greint frá undir hvaða bragarhætti þau eru ort. Þó er töluvert af ljóðum birt í heild og eru þau merkt með tákninu

Lausavísur

Lausavísur hafa verið skráðar í heild eftir bestu fáanlegu heimildum og er þeirra jafnan getið. Ekki hefur verið lögð áhersla á fjölda, heldur að vísurnar séu góðar eða hafi eitthvert sérstakt gildi, svo sem að vera einkennandi fyrir sína efnisflokka. Lausavísur eru ekki bragteknar og hafa allar birtingarmerkið

Lög

Nokkur lög hafa verið skráð í grunninn og er hægt að sjá undir hvaða bragarháttum ljóðin eru sem lögin hafa verið samin við.

Handbók

Handbókin lýsir hinu myndræna táknmáli Braga, auk þess sem í henni er vísir að hugtakasafni um skáldskap og óðfræði.

Bragþing

Bragþing lýsir ástandi og framvindu vefsins á hverjum tíma og er að jafnaði uppfært á þriggja mánaða fresti. Sem stendur er lýsingin nokkuð úrelt en uppfærsla er væntanleg í mars 2012.