Eiríkur Pálsson frá Ölduhrygg 1911–2002

Eiríkur Pálsson fæddist á Ölduhrygg í Svarfaðardal 22.apríl 1911 og kenndi sig ætíð við þann stað, þó hann dveldi þar aðeins fram á unglingsárin. Ólst upp við kjör sveitapilts í byrjun síðustu aldar, næstelstur af 5 systkinum, sonur Filipíu Margrétar Þorsteinsdóttur húsfreyju og Páls Hjartarsonar bónda.
Eiríkur þótti hæfileikaríkur og námfús og var þrátt fyrir lítil efni sendur í Menntaskólann á Akureyri. Varð stúdent 1935 og þaðan lá leiðin í Háskóla Íslands, útskrifaðist cand.juris 1941.
Eiríkur kvæntist Björgu Guðnadóttur   MEIRA ↲

Eiríkur Pálsson fæddist á Ölduhrygg í Svarfaðardal 22.apríl 1911 og kenndi sig ætíð við þann stað, þó hann dveldi þar aðeins fram á unglingsárin. Ólst upp við kjör sveitapilts í byrjun síðustu aldar, næstelstur af 5 systkinum, sonur Filipíu Margrétar Þorsteinsdóttur húsfreyju og Páls Hjartarsonar bónda.
Eiríkur þótti hæfileikaríkur og námfús og var þrátt fyrir lítil efni sendur í Menntaskólann á Akureyri. Varð stúdent 1935 og þaðan lá leiðin í Háskóla Íslands, útskrifaðist cand.juris 1941.
Eiríkur kvæntist Björgu Guðnadóttur 1940 og átti með henni 3 börn, sem eru Páll geðlæknir, Sigurveig Hanna lögfræðingur og Anna Margrét grunnskólakennari.
Ungur fékk Eiríkur áhuga á þjóðfélagsmálum og helgaði þeim mestum hluta starfsævi sinnar. Gengdi mörgum trúnaðarstörfum fyrir sveitafélög og Alþingi, svo stiklað sé á stóru:
Starfsmaður Alþingis 1941-´45, bæjarstjóri í Hafnarfirði 1945-´48, skrifstofustjóri Sambands ísl. Sveitafélaga/ritstjóri Sveitarstjórnarmála 1949-´53, skattstjóri í Hafnarfirði 1954-´62, fulltrúi skattstj. Reykjarneskjördæmis 1962-´66 og loks forstjóri Sólvangs, elli- og hjúkrunarheimilis í Hafnarfirði 1945-´81 eða til 70 ára aldurs.
Félagsstörf Eiríks voru fjölbreytt og mörg, allt frá námsárum fram á síðasta dag og fékk hann fjölmargar viðurkenningar.
Eiríkur var skáld gott og liggja eftir hann fjölmörg ljóð og tækifæriskvæði, sem birst hafa eftir hann í blöðum og tímaritum.
Sem persónu er Eiríki þannig lýst: Hann var maður sem vakti athygli, en hvarf ekki í fjöldann. Var léttur á sér, hljóp við fót um götur Hafnarfjarðar og virtist geta klifið hæstu tinda. Hann var glettinn og manna skemmtilegastur í vinahópi, orðheppinn, fjölfróður og spaugsamur.
Eiríkur Pálsson frá Ölduhrygg var sannarlega litríkur persónuleiki.
   ↑ MINNA