Braghent – samrímað eða braghenda samrímuð

Kennistrengur: 3l:[o]-x[x]:6,4,4:AAA

Bragmynd:

Lýsing: Braghent – samrímað eða braghenda – samrímuð er þríhendur háttur. Fyrsta braglína er lengst, sex kveður, og verður braghvíld í henni á eftir fjórðu kveðu eða í fjórðu kveðu. Hinar línurnar eru fjórar kveður. Allar braglínur eru óstýfðar. Ekkert innrím er í hættinum óbreyttum.
Braghenda er forn háttur. Hann kemur þegar fyrir í Þrymlum sem eru taldar frá því snemma á 15. öld. Fyrst þegar braghenda kom fram rímuðu allar línur saman og telst því samrímuð braghenda án innríms vera hátturinn óbreyttur. Ekki var farið að kveða undir hættinum frárímuðum og baksneiddum fyrr en á 16. öld. Braghvíld ýmist í 4. kveðu eða á eftir henni í fyrstu línu.