Halldór Jónsson frá Gili 1900–1977

Halldór fæddist 11. ágúst árið 1900. Hann ólst upp á Hverhóli í Skíðadal. Kom sem vinnumaður að Völlum í Svarfaðardal eftir 1920, var þar fram yfir 1930. Hann fór síðan í Laugaskóla í Reykjdal og lýkur þar fullnaðarprófi 1930-31. Þar stóð hann ma. að stofnun Hendingafélagsins ásamt Guðmundi Inga Kristjánsson, Hjálmtý Péturssyni o.fl.
Halldór var góður hagyrðingur og hagvirkur að eðlisfari, en vildi þó aldrei láta kalla sig skáld, léttur í lund, fyndinn og sérlega góður félagi.
Hann fluttist síðar til Akureyrar og bjó lengst af á   MEIRA ↲

Halldór fæddist 11. ágúst árið 1900. Hann ólst upp á Hverhóli í Skíðadal. Kom sem vinnumaður að Völlum í Svarfaðardal eftir 1920, var þar fram yfir 1930. Hann fór síðan í Laugaskóla í Reykjdal og lýkur þar fullnaðarprófi 1930-31. Þar stóð hann ma. að stofnun Hendingafélagsins ásamt Guðmundi Inga Kristjánsson, Hjálmtý Péturssyni o.fl.
Halldór var góður hagyrðingur og hagvirkur að eðlisfari, en vildi þó aldrei láta kalla sig skáld, léttur í lund, fyndinn og sérlega góður félagi.
Hann fluttist síðar til Akureyrar og bjó lengst af á Gili í Glerárhverfi og er kenndur við þann bæ. Hann starfaði þar m.a. sem iðnverkamaður og póstur. Hann giftist Petrínu Soffíu Stefánsdóttur, sem var systir Maríu á Þverá konu Helga Símonarsonar. Sonur þeirra er Stefán, kennari og síðar húsvörður á Kjarvalsstöðum í Reykjvík. Halldór lést á Akureyri 13. sept. 1977.   ↑ MINNA