Grímur Thomsen 1820–1896

Grímur Thomsen var fæddur og uppalinn á Bessastöðum en Þorgrímur gullsmiður faðir hans var skólaráðsmaður þar. Grímur lærði í heimaskóla hjá séra Árna Helgasyni í Görðum. Eftir það sigldi hann til Kaupmannahafnar og lauk meistaraprófi frá Hafnarháskóla í samtímabókmenntum 1845. Grímur starfaði árum saman í utanríkisþjónustu Dana en fluttist síðan alfarinn til Íslands og settist að á Bessastöðum á Álftanesi sem hann keypti af konungi. Hann sat lengi á Alþingi og bjó á Bessastöðum til dauðadags. Grímur sótti sér gjarnan yrkisefni í fortíðina að hætti rómantískra skálda og þótti nokkuð forn í hugsun.