Guðmundur Böðvarsson 1904–1974

Guðmundur var fæddur á Kirkjubóli í Hvítársíðu og var bóndi þar frá 1932–1959. Þá flutti hann til Hafnarfjarðar og gerðist bókavörður þar til 1962 er hann flutti aftur að Kirkjubóli.
Ljóðabækur hans eru þessar: Kyssti mig sól 1936, Hin hvítu skip 1939, Álfar kvöldsins 1941, Undir óttunnar himni 1944, Kristallinn í hylnum 1952, Minn guð og þinn 1960, Saltkorn í mold I–II 1962–1965, Landsvísur 1963, Hríðarspor 1965, Innan hringsins 1969. Auk ljóðabóka hans liggja eftir hann þýðing á Tólf kviðum úr gleðileiknum guðdómlega eftir Dante, ein skáldsaga og söfn þátta og smásagna.