Júlíana Jónsdóttir 1837–1918

Júlíana Jónsdóttir var fyrst allra íslenskra kvenna að gefa út skáldrit á Íslandi. Ljóðabókin Stúlka kom út á Akureyri 1876. Hún bjó víða um land og flutti síðan til Vesturheims.
Júlíana Jónsdóttir var fædd 27. mars 1838 á Búrfelli í Hálsasveit. Hún ólst upp hjá föðurafa sínum og konu hans á Rauðsgili í Reykholtsdal.
Eftir að hafa unnið víða á bæjum í Borgarfirði frá unga aldri flytur hún um tvítugt í Akureyjar á Breiðafirði og var þar vinnukona í 14 ár hjá sr. Friðrik Eggertz.
Úr Akureyjum flytur hún í   MEIRA ↲

Júlíana Jónsdóttir var fyrst allra íslenskra kvenna að gefa út skáldrit á Íslandi. Ljóðabókin Stúlka kom út á Akureyri 1876. Hún bjó víða um land og flutti síðan til Vesturheims.
Júlíana Jónsdóttir var fædd 27. mars 1838 á Búrfelli í Hálsasveit. Hún ólst upp hjá föðurafa sínum og konu hans á Rauðsgili í Reykholtsdal.
Eftir að hafa unnið víða á bæjum í Borgarfirði frá unga aldri flytur hún um tvítugt í Akureyjar á Breiðafirði og var þar vinnukona í 14 ár hjá sr. Friðrik Eggertz.
Úr Akureyjum flytur hún í Stykkishólm, þar sem hún vann fyrir sér með ýmsum störfum.
Um 1885 flytur Júlíana síðan til Vesturheims. Fyrst dvelur hún í Norður-Dakóta og Winnipeg en flytur síðan í nágrenni Seattle. Vann hún fyrir sér með heimilishjálp og barnapössun. Síðasta ár ævinnar bjó hún á heimili íslenskra hjóna í Blaine. Júlíana andaðist 12. júní 1917.
Árið 1876 gefur Júlíana út ljóðabókina "Stúlka" á eigin kostnað. Hún samdi einnig leikrit "Víg Kjartans Ólafssonar" og var það sviðsett í Stykkishólmi veturinn 1879. Lék Júlína aðalhlutverkið, Guðrúnu Ósvífursdóttur. Leikritið er til óprentað.
Önnur ljóðabók Júlíönu "Hagalagðar" kom út 40 árum á eftir þeirri fyrri, 1916 í Winnipeg.   ↑ MINNA