Eiríkur Hallsson í Höfða 1614–1698

Eiríkur var sonur Halls Ólafssonar prests í Höfða í Höfðahverfi og konu hans, Ragnhildar Eiríksdóttur. Eiríkur nam í Hólaskóla og tók við Höfðaprestakalli af föður sínum 1653 og þjónaði því til 1688 að Hallur sonur hans tók við brauðinu. Fyrri kona Eiríks hét Margrét Jónsdóttir. Var misklíð mikil milli þeirra hjóna og þegar Margrét hrapaði niður af kirkjulofti og dó sumarið 1659 komust á flug sögur um að Eiríki væri um að kenna. Prestur var hins vega ekki heima þegar atburður þessi varð og því augljóst sakleysi hans. Vegna þessa orti   MEIRA ↲

Eiríkur var sonur Halls Ólafssonar prests í Höfða í Höfðahverfi og konu hans, Ragnhildar Eiríksdóttur. Eiríkur nam í Hólaskóla og tók við Höfðaprestakalli af föður sínum 1653 og þjónaði því til 1688 að Hallur sonur hans tók við brauðinu. Fyrri kona Eiríks hét Margrét Jónsdóttir. Var misklíð mikil milli þeirra hjóna og þegar Margrét hrapaði niður af kirkjulofti og dó sumarið 1659 komust á flug sögur um að Eiríki væri um að kenna. Prestur var hins vega ekki heima þegar atburður þessi varð og því augljóst sakleysi hans. Vegna þessa orti hann kvæðið Rógsvölu, svar gegn þeim sem róginn höfðu í frammi. – Síðari kona Eiríks hét Geirlaug Helgadóttir og hafði prestur mjög verið orðaður við hana í fyrra hjónabandi sínu. – Talsvert liggur eftir Eirík af kristilegum kveðskap, meðal annars nokkrir sálmar í Litlu vísnabókinni 1757. Þá orti hann talsvert af rímum, bæði kristilegum og veraldlegum. (Sjá einkum Rit Rímnafélagsins IV. Hrólfs rímur kraka eftir Eirík Hallsson og Þorvald Magnússon. Finnur Sigmundsson bjó til prentunar. Rímnafélagið. Reykjavík 1950).   ↑ MINNA