Guðmundur Erlendsson í Felli 1595–1670

Guðmundur Erlendsson í Felli í Sléttuhlíð var sonur séra Erlends Guðmundssonar í Felli (d. 1641) og Margrétar Skúladóttur (d. 1638). Hann gekk í latínuskólann á Hólum í Hjaltadal í tíð Guðbrands biskups Þorlákssonar. Hann varð djákn á Þingeyrum 1614 þegar sonur Guðbrands, Páll sýslumaður, var þar staðarhaldari og síðar prestur í Bólstaðarhlíðarsókn 1617–1618, í Viðvík 1618–1619 og í Möðruvallaklaustursprestakalli 1619–1621. Þá var hann sóknarprestur í Glæsibæ í 10 ár (1621–1631). Árið 1631 var Guðmundur   MEIRA ↲

Guðmundur Erlendsson í Felli í Sléttuhlíð var sonur séra Erlends Guðmundssonar í Felli (d. 1641) og Margrétar Skúladóttur (d. 1638). Hann gekk í latínuskólann á Hólum í Hjaltadal í tíð Guðbrands biskups Þorlákssonar. Hann varð djákn á Þingeyrum 1614 þegar sonur Guðbrands, Páll sýslumaður, var þar staðarhaldari og síðar prestur í Bólstaðarhlíðarsókn 1617–1618, í Viðvík 1618–1619 og í Möðruvallaklaustursprestakalli 1619–1621. Þá var hann sóknarprestur í Glæsibæ í 10 ár (1621–1631). Árið 1631 var Guðmundur sendur til að þjóna í Grímsey, líklega vegna einhverrar yfirsjónar, og var þar í þrjú ár eða þangað til hann fékk Fell í Sléttuhlíð 1634. Þar þjónaði hann til æviloka 1670. – Gríðarlega margt kvæða, einkum andlegra, er varðveitt eftir Guðmund en hann safnaði mörgum kvæða sinna á bækur sem hann nefndi Gígju og Fagraskóg. Bækurnar eru varðveittar í JS 232 4to og Lbs 1055 4to og víðar. Guðmundur orti ýmsar tegundir sálma, sálmaflokka, biblíurímur og biblíukvæði, siðgæðakvæði, kvæðaflokk upp úr dæmisögum Esóps, erfikvæði, söguleg kvæði úr samtímanum og mannkynssögu í 6 bálkum sem hann kallaði Einvaldsóð og hefur varðveist í fjölda handrita. Einnig hefur varðveist eftir hann Grýlukvæði.   ↑ MINNA