Þórir Haraldsson 1947–2014

Þórir Haraldsson fæddist á Dalvík 12. okt. 1947 og ólst þar upp, allt þar til hann hóf nám í Menntaskólanum á Akureyri.
Hann varð stúdent frá MA vorið 1968, lauk BS- námi í líffræði frá HÍ 1972 og auknu BS-námi í líffræði frá sama skóla 1973 auk prófs í uppeldis- og kennslufræðum 1978. Með náminu kenndi Þórir við Fiskvinnsluskólann og Menntaskólann í Reykjavík.
Í júní 1969 kvæntist Þórir Unu A. Sigurliðadóttur og eftir stúdentspróf fluttu þau til Reykjavíkur og bjuggu þar í fimm ár, þar til þau fluttu aftur til Akureyrar árið   MEIRA ↲

Þórir Haraldsson fæddist á Dalvík 12. okt. 1947 og ólst þar upp, allt þar til hann hóf nám í Menntaskólanum á Akureyri.
Hann varð stúdent frá MA vorið 1968, lauk BS- námi í líffræði frá HÍ 1972 og auknu BS-námi í líffræði frá sama skóla 1973 auk prófs í uppeldis- og kennslufræðum 1978. Með náminu kenndi Þórir við Fiskvinnsluskólann og Menntaskólann í Reykjavík.
Í júní 1969 kvæntist Þórir Unu A. Sigurliðadóttur og eftir stúdentspróf fluttu þau til Reykjavíkur og bjuggu þar í fimm ár, þar til þau fluttu aftur til Akureyrar árið 1973.
Þórir fékk þá starf við MA og kenndi þar í 40 ár samfleytt til 17. júní 2013.
Meðfram störfum sínum sem kennari sinnti Þórir lengi vel ýmsum rannsóknarstörfum, m.a. fyrir Náttúrfræðistofnun Norðurlands og stundakennslu í Háskólanum á Akureyri.
Þórir var mikill áhugamaður um hvítabirni og safn hans um komur þeirra til landsins er trúlega eitt það stærsta sem til er á einum stað.
Er Þórir varð fimmtugur fór hann að yrkja jólavísur til að senda í jólakortum til vina og ættingja, frá 1997 til 2012. Þótti þetta skemmtilegur siður og nokkrir fóru að yrkja og senda til baka.
Þórir og Una eignuðust 3 dætur. Þórir lést langt fyrir aldur fram á FSA 30. janúar 2014.   ↑ MINNA