Jólin 2011

Árið gamla er að líða
eftir næsta skulum bíða.
Minningarnar myndir smíða
margar glitra en aðrar svíða.

Margir dóu og margir fæddust,
margir hlóu en aðrir hræddust.
Feitir glöddust, margir mæddust
margir hlupu en aðrir læddust.

Þú nýja ár sem nálgast hægt og hljótt
nú er að sýna hvað mun í þér búa.
Óskum mínum að þér vil ég snúa,
annastu börn þín nýtan dag sem nótt.

Engin líði vonsku vos
veraldar, né éti tros,
tárum fækki, breikki bros,
blessun aukist, minnki los.

Sælan aukist svo með oss,
sem ei buna, heldur foss.
Vendum síðan kvæði í kross
kát og sendum jólakoss.