Dæmi: Morgunvers
Lof, dýrð og æra þýð sé þér,
þrenningin guðdóms há
að þínir virtust englarner
oss í nótt vaka hjá
biðjandi framar blessan þín
brot synda fær í lag.
Heillasöm náðarhöndin þín
hjúkri mér nú í dag
so áform mitt og athafner
allt fram komi sem þóknast þér.
Um allar stundir æfinnar
unn þú mér náðar þín.
Blessaðir Jesú blóðstraumar
blæði á sálu mín,
eilífur drottinn allsherjar
oss leiði í dýrð til sín.

Hallgrímur Pétursson