Stuðlafall – óbreytt

Kennistrengur: 3l:[o]-x[x]:5,4,4:Oaa

Bragmynd:

Lýsing: Stuðlafall er þríhendur háttur. Fyrsta línan er lengst, fimm kveður, og er hún óstýfð. Seinni línurnar tvær hafa fjórar kveður hvor og eru þær báðar stýfðar. Litið hefur verið svo á að stuðlafall sé runnið frá braghendu og til þess bendir nafnið. Stuðull í heiti bragarins merkir trúlega kveða. Kveðum í fyrstu línu braghendu fækkar um eina og þarf þá ekki nema tvo ljóðstafi í stað þriggja. Ekkert innrím er í hættinum óbreyttum. Hátturinn óbreyttur er frárímaður þannig að endarímsliðir síðlína (annarrar og þriðju braglínu) hafa alrím sín á milli en frumlína (fyrsta lína) rímar ekki við þær.
Stuðlafall kemur líklega fyrst fram á seinni hluta 15. aldar. Undir þeim er kveðin áttunda ríma í Blávus rímum og Viktors. Þá er sjötta ríma Þjalarjónsrímna undir hættinum og kemur stuðlafallsnafnið fram í henni. Hallur Magnússon (d. 1601) nefnir þennan hátt einnig svo.