Jakob Jóh. Smári (Jóhannesson)* 1889–1972

Jakob Jóh. Smári var fæddur 9. október 1889 á Sauðafelli í Dölum. Hann tók stúdentspróf frá Menntaskólanum í Reykjavík 1908 og nam síðan norræn fræði við Hafnarháskóla og útskrifaðist þaðan 1914. Hann var kennari við Menntaskólann í Reykjavík 1920 til 1937 en þá varð hann að láta af störfum vegna veikinda. Jakob samdi kennslubækur í íslenskri málfræði og kom bók hans Íslenzk setningafræði út 1920. Hann fékkst og talsvert við þýðingar og sneri meðal annars bókum eftir Gunnar Gunnarson á íslensku og ljóðum eftir ýmis erlend   MEIRA ↲

Jakob Jóh. Smári var fæddur 9. október 1889 á Sauðafelli í Dölum. Hann tók stúdentspróf frá Menntaskólanum í Reykjavík 1908 og nam síðan norræn fræði við Hafnarháskóla og útskrifaðist þaðan 1914. Hann var kennari við Menntaskólann í Reykjavík 1920 til 1937 en þá varð hann að láta af störfum vegna veikinda. Jakob samdi kennslubækur í íslenskri málfræði og kom bók hans Íslenzk setningafræði út 1920. Hann fékkst og talsvert við þýðingar og sneri meðal annars bókum eftir Gunnar Gunnarson á íslensku og ljóðum eftir ýmis erlend skáld. Þekktastur er hann vafalaust fyrir ljóðabækur sínar sem út komu í þessari röð:
Kaldavermsl 1920, Handan storms og strauma 1936, Undir sól að sjá 1939 og Við djúpar lindir 1957. Voru þessar bækur síðan allar endurútgefnar í Ljóðasafni I–III nema Undir sól að sjá.
Jakob andaðist 10. ágúst 1972.   ↑ MINNA