Eyjólfur Pétursson í Rein í Hegranesi 1744–1836

Eyjólfur fæddist á Lóni í Viðvíkursveit 1744, sonur Péturs Skúlasonar bónda þar og konu hans, Guðrúnar, dóttur Eyjólfs Grímólfssonar bónda á Fossárteigi á Reykjaströnd. Pétur faðir Eyjólfs fórst í stórviðri við Drangey 1749 en þá hafa þau hjón líklega þegar verið flutt frá Lóni. Eftir lát föður síns mun Eyjólfi hafa verið komið í fóstur. Eyjólfur er með vissu orðinn bóndi í Rein í Hegranesi árið 1781. Hann var tvígiftur, átti fyrst Arnbjörgu Gunnlaugsdóttur frá Hróarsdal en missti hana 21. mars 1800. Þau áttu saman   MEIRA ↲

Eyjólfur fæddist á Lóni í Viðvíkursveit 1744, sonur Péturs Skúlasonar bónda þar og konu hans, Guðrúnar, dóttur Eyjólfs Grímólfssonar bónda á Fossárteigi á Reykjaströnd. Pétur faðir Eyjólfs fórst í stórviðri við Drangey 1749 en þá hafa þau hjón líklega þegar verið flutt frá Lóni. Eftir lát föður síns mun Eyjólfi hafa verið komið í fóstur. Eyjólfur er með vissu orðinn bóndi í Rein í Hegranesi árið 1781. Hann var tvígiftur, átti fyrst Arnbjörgu Gunnlaugsdóttur frá Hróarsdal en missti hana 21. mars 1800. Þau áttu saman nokkur börn og komust þrjú þeirra upp. Síðari kona Eyjólfs hét Margrét Bjarnadóttir frá Felli í Sléttuhlíð. Áttu þau saman fimm börn, einn dreng, sem þau misstu kornungan, og fjórar dætur sem upp komust. Eyjólfur var bagaður á fæti og hafði jafnan þröngt í búi enda ómegð hans mikil. Eyjólfur var búandi á Rein til 1831 en eftir það niðursetningur hjá nýjum ábúendum á jörðinni uns hann dó 7. mars 1836. Eyjólfur var greindur maður og hagorður vel og einnig talinn ákvæðaskáld. (Sjá einkum Hannes Pétursson: „Skopríma gömul og höfundur hennar“. Frá Ketubjörgum til Klaustra 1990, bls. 120–136.)   ↑ MINNA