Þrjár vísur út af hvalskurði á Lónssandi í Hegranesi

Vísur þessar og skýringar við þær standa með hendi Gísla Konráðssonar utanmáls í handriti Espólíns að Sögu frá Skagfirðingum og felldi Einar Bjarnason þær inn í söguna í uppskrift sinni. Skýringar Gísla við vísurnar eru svohljóðandi: „Það haust [þ.e. 1801] rak hval á Lónssandi; skyldi standa fyrir honum Jón bóndi Bjarnason á Bakka og þótti ærið harðdrægur og selja okursfullt; bætti og ei um, þá Gísli Jónsson conrector kom til með Jóni. Þá voru þessar vísur kveðnar og eigna flestir Eyjólfi Péturssyni í Rein: [. . .] Eftir það tók út hvalinn og rak aftur á Garðssand; stóð fyrir honum eftir það Sigurður son Jóns Egilssonar, er átti í Staðarmáli.“*
*Sigurður var einn þeirra sem ákærður var fyrir að hafa fjarlægt lík Reynistaðabræðra á Kili úr tjaldi og rænt fjármunum þeirra.