Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Árni Oddsson biskups

Fyrsta ljóðlína:Angraður stóð upp við Almannagjá
Viðm.ártal:≈ 1875
Flokkur:Söguljóð
1.
Angraður stóð upp við Almannagjá
Oddur og mæddur af kvíða:
„Hörmulegt er það, ef Herleifur Dá
hefur mig undir, og dóminn eg á
guðs móti lögum að lýða.
2.
Minn hef eg soninn í sjö daga þráð,
síðasti frestur er liðinn;
svívirðu dómsgerð í dag verður skráð
en dylgjurnar ganga með úlfúðar háð:
að löng verði biskupi biðin.
3.
Frekt leggur Herleifur flutninga bann
fyrir minn erindisreka;
ein er sú von mín, að annar en hann
Árna minn leiði , svo hafsögumann
finni hann um flúðir og breka.“
4.
Hann bað og hann horfði og hrökk honum tár;
úr hrauninu austan að ríður
maður í síðhempu, mikill og hár,
mjór eins og þvengur var gangarinn frár:
„Ertu þar, Árni, um síðir?“
5.
„Síðan inn Vopna- eg sigldi á fjörð,
sól hefur þrem sinnum runnið;
eg hugsaði hvorki um himin né jörð,
en hélt mínu striki um grundir og skörð,
og málið eg meina sé unnið.
6.
En gefið þið Léttfeta!“ – Sannaðist sögn,
er síðan var gengið til dóma;
feðganna reyndust þar ríkari gögn,
en ranglæti Herleifs sló niður í þögn,
og biskup vann sigur með sóma.