Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Ásdís á Bjargi

Fyrsta ljóðlína:Ásdís var í íðju og draumum
Viðm.ártal:≈ 1925
Tímasetning:1919

Skýringar

Prentað í Skírni 1919.
1.
Ásdís var í iðju’ og draumum
ein um hitu þá
að elska ­ og stuðla’ að Grettis gengi
og gæfu hans að þrá.
En vonir bæði og bænir hennar
barning vildu fá.
2.
Snemma kenndi mikla manninn
móðuraugað glöggt,
sá í barnsins vögguvoðum
viðbragð hetjusnöggt,
það var yndi’, ­ – en annars vegar
örlögmyrkrið dökkt.
3.
Kvíðinn óx, og þrautir þyngdust,
þegar hann komst á legg.
Stríðnin, hvefsnin, bernskubrekin
brýndu lýðsins egg. ­ –
Ein hún kveið og ein hún skildi
allt það skapahregg.
4.
Djánafár úr föðurgarði
fór hinn sterki sveinn.
Heillaósk né afturkomu
orðaði þar ei neinn.
Með honum gekk á mikla veginn
móðurhuginn einn.
5.
Mót þó blási kaldar kyljur
kærleik minn þú átt.
En leys mig, son, frá loga-kvíða
um lífs þíns norðanátt.
Láttu’ ei hug minn harmi lostinn
heilsa hverri nátt.
6.
Undan skikkju brá hún brandi. –
Berðu ’ann lengi og vel;
hans mun þurfa, en vænni vopna
verðan þig eg tel.
Still nú, frændi, storma þína
og stöðvaðu’ hin myrku él. – –
7.
En ísalög frá lífi Grettis
lögðust yfir Bjarg.
Með hverju ári’ og öllum fregnum.
óx það harmafarg.
Ásdís fann hvað undur litlu
ástin hennar barg.
8.
Vit og snilld og kappans kraftar
komu’ í sama stað –
þegar Grettis heiðahreysum
haustin lögðust að,
fáir lýstu gleðiglampar,
Glámur sá um það.
9.
Nístingsfrost og norðanbyljir
nauðuðu’ um hvert hans flet.
Öfund, svik og illvild manna
aldrei viku’ um fet. —
Ein á Bjargi allar nætur
Áadís bað og grét.
10.
Bar sú ást — og einvörðungu
útlaganum frið,
og í vörn mót húmsins herjum
honum veitti lið.
Sá var eini Grettis geisli,
er Glámur réð ei við.
12.
Þyngst varð fórnin, er hún Ásdís
Illuga af höndum lét,
svo að Grettis miklu myrkur
mættu þoka’ um set.
Aldrei hún í augsýn manna
áður né síðar grét.

12.
Þó að bili heimsins hylli
og heykist vinur hver,
móðurástin býr á bjargi
og breytir aldrei sér.
Asdis enn í völdum víða
vor á meðal er.