Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Vinakveðja Ingólfs Arnarsonar til Jústitsráðs Magnúsar Stephensens þann 1. sept. 1807.

Fyrsta ljóðlína:Úti var eg að einu hóti
Viðm.ártal:≈ 1800–1825
Tímasetning:1807
1.
Úti var eg að einu hóti,
innan veggja þó mér rynni
létt um brár á legi náttar
léttir harma, dauða barmi;
Arnar þóttumst enum forna
upp að hvoli göngu þola;
niðri þykk í þungu veðri
þoka svamm yfir hverjum gamma.*
2.
Blöstu gnæf við bláu rjáfri
bökin fjallatinda röku;
spenntu belta bólstur oltin
bungur merskis,* frævi þrungnar.
Flókar þöndust fram um rindi*
fiskjar-heima lyftir geimar*
gusu-rákum eftir óku
eirulausir fjalla geirum.
3.
Gegnum bliku grárra dúka
gnæfa þóttu fjarri sævi
masturtoppa tríur uppi,
teygðar úr bugðum lofti fleygðu.
Skýjum fám í freku rúmi
fleytti blær, sem þótti væru
bökum svört, og orma artar,*
iðuðu fram á gyltum kviði.
4.
Fagurri sjón á djúpum dúni
dreyfðu lofta bylgjur hreyfðar;
þys og drun í austur-álfum
eyrum fluttu hvininn meira.
Þoku velti fram úr flókum
feikimiklum reykjarhnykli
hvaðan ægir digra drógu
dráttakraftar snúna þáttu.
5.
Hám varð uppi hvols á toppi
hnetti grám að viðurnámi
ofanhvítur ara-þviti,*
orpinn grænu jurta þorpi.
Eyddi bráðla áfram ruddum
endurhrísluðum þoku vendi.
Gelmir* brast úr bliku álmum
böðvarkænn á fornar stöðvar.
6.
Snúðugt þerrði bogna bráðum,
brákaða (niður af fjöðrum* láku
úða hnappar hvols um typpi)
hyrnu gula* fóta þyrni.*
Rammlegur stóð í rostuvoðum,
ryði lestum, Arnar niður,
Ingólfur, kominn á aldið vengi
ara glitnis veðurslitna.
7.
Fýsnahvöt að fornum þvita
fram mér hrundu bólum undan;
öldungmenni vort eg vilda
værugjarnann líta nærri.
Hjarna kúlu* huldi stála-
húfa spennt og grómi pentuð;
bogið nef og ötul augu
undan barði sá eg stundum.
8.
Hæru strýi hreykti bárum
hafið skinn á beinum kinna;
millum þess á meiru felli*
moldar gárar niður skárust.
Þannig leirugar flóðs í fjörum
fallið haf um lendur stafar
feitar æðar undan stara
eggjum-tenntra biturleggjum.
9.
Niður af vangafyllu fiðri,
föllnu inn að jaxla ki[y]nnum,
silfurleitir lokkar skulfu
langir skeggs á miðju fangi;
eftir holum haddar veli*
hrundu niður að faxi grundar
fram sem blys í fjörugum klösum
f*agurmerlaðar úðaperlur.
10.
Breiður hékk á bragnings síðu
buklari þykkur ryði miklu;
hringum ofin um bak og bringu
brynjustakka slitur dynja.
Sett voru klæði kífs* en rauðu
köngulvofna þráðar öngum;*
gróms í korpu þvældum þrömum
þokubroddar niðri loddu.
11.
Glitraði hvass úr greipa mótum
gulli vafiður fagurskafinn,
(hvítnuðu *geldar hnúa *spildur,
hneitir í glærum lofta smærum);
Arnar sonur hann lét hvína,
heinþynntan á ara steini;
skella lét við áttum öllum
öldungmenni kveðling þenna.

> Ingólfur kvað
12.
Vaki vættir,
vaki álfar,
hamingjur fornar,
hollar Ingólfi!
Vakið og árnið
með Arna bur
góðra fara
göfugmenni,
börnum Óleifi,
bestum allra
vina minna
á Viðareyju.
13.
Árnið Magnúsi
allra heilla,
heilla allra
og hamingju.
Er mér hjartlagin
öðlings vinar
gift og gæfa.
Gegni landvættir!
14.
Buldur heyrðist barinna skjalda
bresta við í þoku niðri.
Huldar vættir og álfar aldnir
önsuðu þannig landnámsmanni:
15.
Heilir, Ingólfur,
og heilir allir
sem þú vilt að sé!
Erum Ólafs ni
allir snúnir,
viljum allir vel.
16.
Óskum allir
að Magnúsi
hlotnist heilla hvað;
allar hamingjur
Ólafs syni
vilja fylgja fá.
17.
Allar gáttir
fyrir göfugmenni
skulu skyggnast um:
Efunargjarnir
munu æ vera
hraktir hverju sinni.

> Ingólfur kvað
18.
Hrindið heilar
happa-dísir
fáki lagar
til fara góðra!
Skilið mér aftur
skörungmenni
sigurgefnum
og sælstum allra!


Athugagreinar

1.8 gamma: bæ.
2.4 merski: jörð, land.
2.5 rindr: brúkað fyrir jörð.
2.6 lyftir geimar fiskjar heima: þoka er upp sté af sjónum.
3.7 orma artar: eins og ormar.
5.3 ara-þviti: ara-steinn.
5.7 gelmir: örn.
6.1 ›: örninn.
6.2 ›: arnarins.
6.4 hyrna gul: gult nefið; fóta þyrni: (með) klónni.
6.8 ara glitnir: arnarsteinn.
7.5 hjarna kúla: höfuð.
8.3 á meiru felli: á hörundi.
9.5 haddar völur: hárleggur..
10.5 klæði kífs: herklæði.
10.6 köngulvofna þráðar angar: köngulóarvefur.
11.3 geldar: blóðlausar, magrar; hnúa spildur: hendur.