Róður í álagshætti

Sónarljóðið 2006. Greinargerð höfundar:
Vísur þessar eru saman settar undir dróttkvæðu háttarafbrigði sem kemur fyrir í Háttalykli Rögnvalds jarls kala og Halls Þórarinssonar (12. öld) en einnig í Háttalykli Lofts Guttormssonar þremur öldum síðar og nefnist þar álagsháttur. Samkvæmt honum væru raunar þessi tvö erindi eitt heilt erindi. Til forna nefndist hátturinn núfu- eða hnúfuháttur („eptir Ölvi hnúfu, skáldi Haralds hárfagra?“ spyr Finnur Jónsson), en í handritum að Háttalykli Lofts er hann auk álagsháttar kallaður dróttkveðið með hnykk eða dróttkveðið tvístimlað. Að sögn stígi um palla er fornt orðtak og táknar að ort sé ofljóst: að orð merki í rauninni annað en það sem látið er í veðri vaka.