Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flosi

Fyrsta ljóðlína:Þá var þögn / er þreyttir sváfu
Bragarháttur:Fornyrðislag
Viðm.ártal:≈ 1875
Flokkur:Söguljóð
1.
Þá var þögn
er þreyttir sváfu
horfnir helskýi
og höfgum draumi;
hjálmar voru þeirra
og hvassir geirar
sóti stokknir
og svartar brynjur.
2.
Þá var þögn
yfir Þríhyrningi –
lamb svaf í lautu
lækr rann í gili;
glottu tvö
í glampa stóðu
Hekla og áss
Eyjafjalla.
3.
Sumar var í dal,
sveit lá í blundi,
smali í seli
sigr und hjálmi;
stóð atþreyttr
og þrunginn móði
höfgi var á hergrimmum
höfuðbeinum.
4.
Hneit mér við hjarta
harma breki
er mér Njáll neitti
og námdúks tróða
út úr ógnheitum
eldi ganga,
kváðus ei við skömm
skyldu lifa.
5.
Hrygg hefir verið
og heiftum snúin
norn sitjandi
undir Sigars meiði,
er hún mér rúnir
á rauðan gerði
skjöld að skrifa
og sköpum ráða.
6.
Bar mig bölvi
bróðurdóttir
er hún úr skikkju
skúr örlaga
helkalda lét mér
á herðum dynja –
skapanorn heiftug
af hörðum raunum.
7.
Enn munu lifa
eggjar dreyrfáðar
óryðgaðrar
Rimmugýgjar,
þótt aldregi
þjóta muni
hún yfir mínum
höfuðsvörðum.
8.
Svart er í vestri
og svipir dauðir,
örlaga hljóð
fyrir Eyjasandi;
sofa sveinar hér
svefni þungum,
laus eru höfuð
á hálsum þeirra.
9.
Gott er ei að ganga
giftu móti –
grimmir af glóðum
geislar standa –
farið á fætur
Flosa sinnar!
dragist úr draumi
áðr dagr ljómi!
10.
Birtir í austri,
bjarma slær á tinda,
ryðst röðull fram
yfir Ránar sali –
skín mér í hjarta,
skil eg ei hvaðan
heilög sól
yfir hvítum beinum.