Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Pater noster

Fyrsta ljóðlína:Faðir vor, hver ert himnum á (þýðing)
Bragarháttur:Sex línur (tvíliður) ferkvætt aabbcc
(o)
(o)
(o)
(o)
(o)
(o)
Viðm.ártal:≈ 1550
Tímasetning:1555
Flokkur:Sálmar

Skýringar

„Sálmurinn, 9 er., virðist þýddur beint eftir frumsálminum, „Vater unser, in Himmelreich“, sem er eftir Lúther, en ekki eftir hinni dönsku þýðingu, Fader vor udi Himmerig“. Þýðingin var ekki tekin upp síðar.“ (PEÓl, bls. 56).
1.
Faðir vor hver ert himnum á
hann oss jafnan vildi sjá
bræður að vera og biðja hann
því bænir vorar veita kann:
Sent þú oss ratist satt á munn
svo það verði af hjartans grunn.

2.
Helgist nafn þitt hauðri á,
hreinlig orð þín lát oss fá
svo að vér lifum með sæmd og rétt
sem Guð býður nú hverri stétt.
Vernda þú oss frá villu stig
og veslum kenn að heiðra þig.

3.
Þitt ríki það til komi
þó og eilíft með oss sé;
heilagur andi hjá oss bú
og hvers kyns dyggðir veitist nú.
Satans fors þú í sundur brjót
svo þinnar kristni verði not.

4.
Þinn vilji verði í heimi hér
svo sem á himnum uppi er;
gef þú oss mýkt á mótgangs tíð,
milda hlýðni árla og síð.
Öllum ver þú og vík í frá
sem vilja þínum í móti stá.

5.
Í dag gef þú oss vort dagligt brauð,
dvel ei frá oss lífsins nauð,
hjálpa þú oss frá hatur og stríð,
frá hallæri og sóttar tíð,
svo að með rósemd sé vort líf
sorg og ágirndir frá oss dríf.

6.
Veit þú oss kvitta vora skuld
svo verði ekki að þeim gjöld;
ef vér gjörum nú öðrum svo
af öllu hjarta að kvitta þá
í þjónkan ljá þú oss listar sið
svo ljúft samþykki kveikist við.

7.
Fær þú oss ekki í freistni hér
þó fast vor óvin hreyfi sér;
víst á hægri og venstri [!] hönd
veit oss hlíf fyrir hans mótstand.
Í trúnni lát þú vænlig verk
veitast fyrir þinn anda styrk.

8.
Leystu oss öllum eymdum frá,
illur tíminn þó verða má,
eilífan dauða þú af oss slá,
á endadeginum styrk oss þá.
Úvega þú góða ystu stund
að vor sál komist í þína hönd.

9.
Amen verði alltíð svo
að vor trú hún styrkist þá.
Enginn skyldi nú efa það
öll vor bæn er heyrð í stað.
Þú hefur þín orð þar til lagt
að þanninn yrði amen sagt.