Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Þessi sálmur má syngjast eftir graftarembætti

Fyrsta ljóðlína:Látum oss líkamann grafa
Bragarháttur:Fjórar línur (tvíliður) ferkvætt AAbb
(o)
(o)
(o)
(o)
Viðm.ártal:≈ 1550
Tímasetning:1555
Flokkur:Sálmar

Skýringar

Þessi psalmur má syngjast eptir graftar embætti.
1.
Látum oss líkamann grafa
og ekkirt [!] eforð á hafa,
á efsta degi mun aftur up[p]stá
og ókreinkilegur verða þá.
2.
Mold að hann var og af moldu skaptur
að moldu mun hann og verða aftur,
af moldu mun hann upp aftur rísa,
englanna lúður það mun útvísa.
3.
Eignist sálin eilíft líf
æ hjá Guði hans verður hlíf,
firrður synd og fjandans neyð
fyrir Guðs sonar pín og deyð.
4.
Angur, armóð og þar með eymd
enda tekur og er nú gleymd,
kristið ok með kærleik dró,
kallast dauður og lifir þó.
5.
Lifir hans sál og er leyst ómaks,
líkaminn sefur til dóma dags,
þá mun Kristur klára hann
og kemur svo upp í himna rann.
6.
Í var hann þessum eymdar dal
og er nú kominn í himna sal
með list og gleði og leiftri fín
langt um klárra en sólin skín.
7.
Látum hans líkam liggja í frið
og látum vér rétt að búast við
því hugsa má það hver og einn
heljar broddur er ekki seinn.
8.
Hjálpi oss þar til herra Krist
sem hefur oss leyst frá djöfla vist,
alls kyns synd og öllu vé
eilíflega þér dýrðir sé.