Edgar Allan Poe 1809–1849

Edgar Allan Poe var bandarískt ljóðskáld og sagnahöfundur. Hann er hvað  þekktastur fyrir hryllingssögur sínar og glæpasögur og talinn  hafa haft mikil áhrif á vísindaskáld eins og til dæmis Jules Verne.
   Edgar Poe fæddist í Boston og var hann annað barn foreldra sinna sem bæði voru leikarar. Faðir hans yfirgaf fjölskylduna árið 1810 og móðir hans dó árið eftir. Hann ólst síðan upp hjá hjá   MEIRA ↲

Edgar Allan Poe var bandarískt ljóðskáld og sagnahöfundur. Hann er hvað  þekktastur fyrir hryllingssögur sínar og glæpasögur og talinn  hafa haft mikil áhrif á vísindaskáld eins og til dæmis Jules Verne.
   Edgar Poe fæddist í Boston og var hann annað barn foreldra sinna sem bæði voru leikarar. Faðir hans yfirgaf fjölskylduna árið 1810 og móðir hans dó árið eftir. Hann ólst síðan upp hjá hjá hjónunum John og Frances Allan og þaðan er nafnið Allan komið. Hann gekk í háskóla eitt ár en varð að hætta námi vegna fjárskorts. Eitthvert frægasta ljóð eftir hann er vafalaust Hrafninn. Allmargar þýðingar eru til af honum á íslensku og er þýðing Einars Benediktssonar einna þekktust þeirra.

   ↑ MINNA