Vísnasafn Skagfirðinga
SöfnÍslenskaÍslenska |
Eftirmæli um Einar B. GuðmundssonFyrsta ljóðlína:Hinn lýðkunni meiður sem lengi stóð hér
Heimild:HSk Askja 22. Viðm.ártal:≈ 1974
Tímasetning:1974
Skýringar
Eftirmæli um Einar B. Guðmundsson á Hraunum í Fljótum. Einar lést árið 1974.
Hinn lýðkunni meiður sem lengi stóð hér
með laufskrúð í fjallshlíðar rótum á merkasta staðnum sem menjar hans ber við minnið að austan í Fljótum. Það kunnugt er flestum að kominn hann var af kynsælum, göfugum rótum og einkunnir margar síns ætternis bar sem engum vann dyljast í Fljótum. Því meðan að sólgeislinn heiðskíri hló og hlúði sem best að hans rótum. Þá var hann svo ýtur að ástsæld hans bjó hjá ungum og gömlum í Fljótum. Og meiðurinn þessi var mannbaldur sá sem muna svo lengi vér hljótum. Hann Einar á Hraunum vorn höfðingja þá og hjartað í gjörvöllum Fljótum. Því frækleik og hagleik af fjöldanum bar og flest lutu störf hans að bótum í sannleika bæði hann sýndist og var hin svipmesta prýðin í Fljótum. Hann stóð þá sem vígi mót stormanna nauð á sterkustu kærleikans rótum svo mörgum þeim voluðu veittist þar brauð og vegbúnum gestum í Fljótum. Þó nú sé hann fölnaður, fallin á láð hans frægðar í sögunni njótum. því minningin geymist þar gullstöfum skráð og gleymist ei bændum í Fljótum. |
