A 075 - Hymn. Sermone blando angelus

Sálmur þessi er í raun framhald af hymna Ambrósíusar, „Aurora lucis rutilat“ (Allfagurt ljós oss birtist brátt), næsta sálmi á undan í Sálmabók Guðbrands. Sálmur þessi er einnig í sb. 1619, bl. 49; sb. 1671, bl. 89; sb. JÁ. 1742, bls. 168-9; sb. 1746, bls. 168—9; sb. 1751, bls. 169—70; gr. 1607 (í viðauka) og öllum gr. síðan; s-msb. 1742. — Lag er í gr. 1607—79 (Allfagurt ljós oss birtist brátt). „Sálmurinn er 7 erindi (- 1 lofgerðarvers og einmitt þýðing á 6.—12. er. í hymna Ambrósíuss, „Aurora lucis rutilat“, og hefst 6. er. svo:   MEIRA ↲

Sálmur þessi er í raun framhald af hymna Ambrósíusar, „Aurora lucis rutilat“ (Allfagurt ljós oss birtist brátt), næsta sálmi á undan í Sálmabók Guðbrands. Sálmur þessi er einnig í sb. 1619, bl. 49; sb. 1671, bl. 89; sb. JÁ. 1742, bls. 168-9; sb. 1746, bls. 168—9; sb. 1751, bls. 169—70; gr. 1607 (í viðauka) og öllum gr. síðan; s-msb. 1742. — Lag er í gr. 1607—79 (Allfagurt ljós oss birtist brátt). „Sálmurinn er 7 erindi (- 1 lofgerðarvers og einmitt þýðing á 6.—12. er. í hymna Ambrósíuss, „Aurora lucis rutilat“, og hefst 6. er. svo: „Sermone blando angelus“, en lofgerðarversið er sama sem í „Allfagurt ljós oss birtist brátt“. Hefir hymna þessum þannig verið skipt í tvo sálma í íslenzkum sb. Þýðingin er nákvæm og í betra lagi, þótt lakari sé en fyrri hlutinn og ekki sé gallalaus um rím. Það er einkennilegt, að þýðingin á íslenzku er gerð að stafrófssálmi, þólt ekki sé svo í frumhymnanum, og nær fyrri hlutinn (Allfagurt ljós oss birtist brátt) yfir stafina A—E, en þessi yfir F—M; síðasta erindi beggja hefst á N. Upphaf er svo:
Fagnaðarkenning kvinnum fær, Sermone blando angelus
klárt guðs engill talar við þær: prædicit mulieribus:
í Galilea Kristur kær In Galilæa dominus
kann víst sénn verða sínum nær. videndus est quantocius.
(Sjá PEÓl: „Upptök sálma og sálmalaga í Lútherskum sið á Íslandi.“ Árbók Háskóla Íslands háskólaárið 1923–1924. Fylgirit. Reykjavík 1924, bls. 96. Hér tekið því sem næst orðrétt upp).   ↑ MINNA