Jón Stefánsson Kagaðarhóli sextugur

Kveðju flyt ég karli, er situr á Kagaðarhóli
sextugur og sæmdum girtur
af sýslungum og grönnum virtur.

Haldgóð rök og handföst tök þú hafðir jafnan
fram þú steigst með festu og þori
fáir sáu þig skrika í spori.

Hvorki fum né flærð og skrum í fari þínu
nokkur maður ennþá eygði
enginn þig af götu sveigði.

Hlý og klökk sé héraðs þökk á heiðursdegi
Slíka hrausta og heila drengi
Húnvetningar eigi lengi.

Vættir góðar vítt um óðal veifi sprota
hollar bónda, svanna og sonum
í sjötíu liði ef fer að vonum.