Pólitíkin

Upp þó hilli andans svið
ífært gyllingunni
þankann hryllir þráfalt við
þræla spillingunni.
Stjórnir þjóða þyrla á loft
þrautamóðu bárum
þeirra slóð er ærið oft
ötuð blóði og tárum.

Váleg sýkin vígabáls
vofir ríkjum yfir.
Á valdasníkjum Pétra og Páls
pólitíkin lifir

Út frá haugum hræsninnar
hrædýrs augum gýtur
efst á haugum alls staðar
orkutaugum slítur.

Rits í skærum rök ei sýnd
rógs þar klær um læðast
trú og æra auri klínd
úlfar gærum klæðast.

Æran glatast ýmsum hjá
í því satans vígi
þar sem matað allt er á
öfund, hatri og lýgi.