Bjarni á Bollastöðum 70 ára

Þér féllust ei hendur í fangið þótt hvessti
því svalviðrið sálina hressti.

Í torleiði fjallanna fannstu þig sjálfan
heilan en aldrei hálfan.

Við fáheyrða örbirgð á örreytiskoti
þinn andi bjó ávallt í sloti.

Því margur í lágsveitum lognþokudagur
við fjöllin er heiður og fagur.

Þú gekkst ekki hikandi á hólminn né tregur
þú vissir hvert stefndi þinn vegur.

Þú ávannst þér sigur á orrustuvelli
og hann er þinn heiður í elli.