Gyðjurímur

Þó að frjósi foldarsvæði
fögur kjósa lögin má.
Nú skal hrós í nýju kvæði
Norðurljósagyðjan fá.

Þegar ennis leiftrin ljóma
lifnar enn mitt kvæðahrós.
Man ég þennan meyjarblóma
meðan brennur himinljós.

Aðeins hefur einu sinni
augum gefist þig að sjá
skal þó ef ég kveða kynni
kynngistef sú gyðja fá.

Lífsins krefst mín lundin bráða
ljóðið hefst í brjósti mér
gyðjan efsta dýrra dáða
dásemd gefst í fylgd með þér.

Oft í náð á aldinkvistum
elskir kváðu fuglar dátt
ætti ég ráð á ljóðalistum
léki ég bráðum slíkan þátt.