Brekkusækni

Ekki nægir okkar vetur
öllum mönnum hér.
Veistu hvað? Þeir vilja betur
vita hvað hann er.
Eða mun þeim öllum falla
er hann þokast fjær?
Hann er eltur upp til fjalla
ef hann fæst ei nær.

Margir sækja mjög á jökla
má á götum sjá
skíðahúfur, skíðahökla
skíði herðum á.
Fólkið þráir fönn í hlíðum
föt í réttum stíl
en þeir ganga ei á skíðum
allir fara í bíl.

Gott er að eiga skíðaskála
skammt frá jökulfönn
sitja þar og mega mála
möl og aur og hrönn.
Sumar er í sveitum grónum
samt á jökulstig
ýmsir byltast um í snjónum
æfa brun og svig.

Syðri landa svækjumolla
sviftir marga ró
svo í byggðum síst þeir tolla
sækjast eftir snjó.
Vilji flýja víf og gumar
væri harla leitt
eins hið stutta Íslands sumar
ekki er það svo heitt.

Útlend tíska okkur ginnir
upp á reginfjöll
býst ég við, þú brátt þar finnir
bjarta skíðahöll.
Sumar ætlað öllum börnum
Íslands, þrýtur vart
meðan ekkert er af stjörnum
af því svona er bjart.