Nú ríkir sönglaus vetur

Höfundur mun hafa samið ljóðið við kunnugt lag þó ekki syngi hann né tónaði, en kona hans, Sigríður Stefánsdóttir prestsdóttir frá Auðkúlu hafði fagra söngrödd og lék bæði á gítar og orgel. Honum var aftur léð kraftur orðsins og list hins ljóðræna. Yngri dóttir þeirra Hólmfríður Kolbrún kann þá sögu af þessu söngversi, að mamma hennar var að koma utan af Blönduósi og heyrði þá sungið í bílnum lag sem hún lærði strax en mundi ekkert af textanum nema stúlkan mín til baka. Hún hélt að það hefði verið Skagfirðingur sem söng. Lagið er skoska lagið við ljóðið um Loch Lomond.