Nokkrar lausavísur

Reykjarhóll mér löngum lét
þó lítill væri auður.
Þaðan ekki fer ég fet
fyrr en ég er dauður.

Samt á eftir fáein fet
foldu á er byggi.
Í Víðimýrargarði get
giskað á að liggi.

Þessa heims nær þrýtur stríð
í þröngu grafarbóli
alltaf sé ég alla tíð
út að Reykjahóli.

Bakkus var mér býsna kær
bágt er því að hegna.
Nú er Einar ferðafær
fylliríis vegna.

Áður drakk eg ljóst og leynt
löngum sinnis glaður
en nú er best að hætta hreint
og hegða sér sem maður.

Í krambúðina kom eg snar
kaupmanni var dilla(ð)
því ætíð fyrsta verkið var
vasaglasið fylla.

Fór svo ekki af fundi þeim
fyrr en tæmdist vasinn
brölti síðan sjálfur heim
svínfullur og lasinn.

Þegar klígjuköst ég fékk
kafinn sorg og ekka
kom mér þá í huga hreint
að hætta nú að drekka.