Hvað

Hvað er mín sorg?
– Einn dropi í harmsins hafi.
Hvað er mín iðrun?
– Lítið skilningsblik.
Hvað er mín sæla?
– Brot af geislagliti.
Hvað er mitt lífsverk?
– Nokkur blýantsstrik.

Hvað er ég sjálfur?
– Fræ í andans akri.
Hvað ertu líf vort?
– Tilraun skaparans.
Hvað ertu heimur?
– Aflraun tveggja afla.
– annað er dauðans,
hitt er lífsandans.

Helstefna ríkir nú
í veröld vorri.
Vansmíðir skapast,
þjáning eykst og sorg.
– Oss ber að styrkja
lífið vel í verki.
veljast í samtök
– rjúfa dauðans borg,