Leit

Ævi manns er leit að sjálfum sér:
Um sína verund skimar margur hver
og kannar löngum einn þann innra heim
sem aldrei fyrir þjóðar sjónir ber.

Enginn getur skilið annars heim
né áttað sig á kennileitum þeim
sem varða öðrum vegfaranda leið.
Því verður ólíkt margt með hverjum tveim.

Ýmsir fara furðu skammt á leit,
finna heldur smátt af því sem er
og kynnast aðeins hluta af sjálfum sér.
En sanna heimsmynd enignn maður veit.