Skilnaðarljóð

Á gatnamótum gjarnan leiðir skilja:
Þú gekkst á norðurslóðir.
En eftir stendur fylking félaganna
og flestir standa hljóðir.

Því það var löngum glatt um þessa götu
er gengið höfðum saman
og þar var enginn þreyttur göngumaður
og þá var stundum gaman.

Nú (lengir) vog og leggur vötn til dala
og loftvog er að falla
og vera má að einnig kólni kiljur
á kvöldum norðan fjalla.

En ef þú kennir svalan súg í vetur
á svalbarðsgöngu þinni
þú kveikir upp í arni minninganna
þá orna gömul kynni.

Og þegar seinna lýkur vetrarvöku
og vor á næsta leiti
úr vesturbyggðum kátir söngvasveinar
þér senda þráðlaus skeyti.