Vorljóð

Ég fagna vorsins veldi.
Ó vor ég elska þig,
sem bræðir ís og blómaskrautið
býrð til fyrir mig.

Hinn fagri fuglasöngur,
er fylgir ávallt þér,
hann hljómar eins og ljúfsælt lag
svo lengi í eyrum mér.

Og grösin grænu, fríðu
og gjörvöll blómin smá
þau vekja stærstu vonir manns
og vinahug sinn tjá.

Á kyrrum vorsins kvöldum
er kveðið ástarljóð.
Þá tengjast fjölmörg tryggðabönd
og tilveran er góð.