Jón Þorláksson

Síðan Eggert sálaðist
og svipti landið heillavon
fáir semja ljóð með list
nema listamennið Þorláksson

Þó menn leiti þar og hér
í þjöluðum kvæðasniðum
þinna maki enginn er
af öllum rímnasmiðum

Það var mesta ofdirfð af
ótilkjörnu flóni
að rista þennan þussastaf
Þorlákssyni Jóni.

Hvort sem það er rangt eða rétt
ritar hann allt með snilli
þegar öllu upp er flett
og ekkert þar á milli.

Það er margt og það er svo margt
þulið í feldinn gráa
sem ei er bert og ekki vert
eftir neinum að hváa.