Benedikt Gröndal eldri 1762–1825

Benedikt Gröndal eldri var Jónsson, fæddur í Vogum við Mývatn, sonur síra Jóns Þórarinssonar og konu hans, Helgu Tómasdóttur. Hann fór unglingur nokkur sumur í kaupavinnu og var meðal annars í Viðvík hjá Jóni Péturssyni lækni. Benedikt fór í Hólaskóla á 16. ári 1777 og útskrifaðist þaðan 1781. Undir árslok 1785 kom hann til Kaupmannahafnar og stundaði nám við Hafnarháskóla til 1791. Fyrstu tvö árin lagði hann sig einkum eftir latínu og grísku en sneri sér síðan að lögfræði og lauk prófi í henni. Hann var um tíma dómari við Landsyfirréttinn   MEIRA ↲

Benedikt Gröndal eldri var Jónsson, fæddur í Vogum við Mývatn, sonur síra Jóns Þórarinssonar og konu hans, Helgu Tómasdóttur. Hann fór unglingur nokkur sumur í kaupavinnu og var meðal annars í Viðvík hjá Jóni Péturssyni lækni. Benedikt fór í Hólaskóla á 16. ári 1777 og útskrifaðist þaðan 1781. Undir árslok 1785 kom hann til Kaupmannahafnar og stundaði nám við Hafnarháskóla til 1791. Fyrstu tvö árin lagði hann sig einkum eftir latínu og grísku en sneri sér síðan að lögfræði og lauk prófi í henni. Hann var um tíma dómari við Landsyfirréttinn en síðustu ár sín átti hann við mikla vanheilsu að stríða. Benedikt orti talsvert og batt þá gjarnan algild spekimál í rím. Þá þýddi hann Musteri mannorðsins eftir enska skáldið Alexander Pope undir fornyrðislagi og má segja að hann hafi með því vísað öðrum þýðendum veginn. (Sjá einkum Kvæði Landsyfirréttar Assessors Benedikts Gröndals útgefin og kostuð af Sveinbirni Egilssyni. Viðeyjarklaustri 1833)   ↑ MINNA