Skáld

Það er skáldsins orka og andi,
að efla í sínu föðurlandi
fleygar vísur, fögur kvæði,
flétta saman granna þræði,
stæla hugann, herða máttinn,
hefja þýðan ljóðasláttinn,
mynda línur, listum unna
leggja nýja og betri grunna.

Það er andans gagn og gæði,
gera stökur, yrkja kvæði,
halda réttu móðurmáli,
móta vilja úr hörðu stáli,
fylgja jafnan réttum reglum,
raða eftir vindi seglum,
bugast ei þótt blási á móti
byljir lífs með ölduróti.