Hallgrímur Ásmundsson 1759–1846

Hallgrímur var fæddur á Laugalandi í Eyjafirði síðla árs 1759 eða í ársbyrjun 1760. Foreldrar hans voru Ásmundur Helgason bóndi þar og kona hans Anna Þorsteinsdóttir. Þau fluttust úr Eyjafirði austur að Setbergi í Nesjum en Jón Helgason sýslumaður, bróðir Ásmundar bjó þá á næsta bæ, Hoffelli. Ásmundur flutti síðar að Hvalsnesi og bjó þar góðu búi með fjölskyldu sinni. Indriði sonur Ásmundar tók við búi í Hvalsnesi en þegar móðuharðindin skullu á hraktist fjölskyldan suður í Múlasýslur. Hallgrímur fór að búa á Þorvaldsstöðum í   MEIRA ↲

Hallgrímur var fæddur á Laugalandi í Eyjafirði síðla árs 1759 eða í ársbyrjun 1760. Foreldrar hans voru Ásmundur Helgason bóndi þar og kona hans Anna Þorsteinsdóttir. Þau fluttust úr Eyjafirði austur að Setbergi í Nesjum en Jón Helgason sýslumaður, bróðir Ásmundar bjó þá á næsta bæ, Hoffelli. Ásmundur flutti síðar að Hvalsnesi og bjó þar góðu búi með fjölskyldu sinni. Indriði sonur Ásmundar tók við búi í Hvalsnesi en þegar móðuharðindin skullu á hraktist fjölskyldan suður í Múlasýslur. Hallgrímur fór að búa á Þorvaldsstöðum í Skriðdal um 1785 og síðar á Stóra Sandfelli. Kona hans var Ingibjörg Sigurðardóttir frá Geitdal og áttu þau saman ellefu börn og komust sex þeirra upp. Indriði bróðir hans gerðist bóndi á Borg í Skriðdal. Eftir að Ingibjörg dó kvæntist Hallgrímur Bergþóru Ísleifsdóttur og var hann þá orðinn hálf sjötugur. Með henni átti hann tvö börn.   ↑ MINNA