Einar Kristjánsson frá Hermundarfelli* 1911–1996

Einar fæddist á Hermundarfelli í Þistilfirði 26. október 1911 og þar ólst hann upp. Hann var sonur hjónanna Kristjáns Einarssonar frá Garði í Þistilfirði og Guðrúnar Pálsdóttur frá Hermundarfelli.
   Einar kvæntist Guðrúnu Kristjánsdóttur frá Holti í Þistilfirði árið 1937. Þau bjuggu á Hermundarfelli fyrstu árin en reistu svo nýbýlið Hagaland og bjuggu þar frá 1942 til 1946. Þá fluttu þau til Akureyrar og var Einar þar lengi húsvörður við Barnaskóla Akureyrar. Einar var mikilvirkur rithöfundur og gaf bæði út ljóð,    MEIRA ↲

Einar fæddist á Hermundarfelli í Þistilfirði 26. október 1911 og þar ólst hann upp. Hann var sonur hjónanna Kristjáns Einarssonar frá Garði í Þistilfirði og Guðrúnar Pálsdóttur frá Hermundarfelli.
   Einar kvæntist Guðrúnu Kristjánsdóttur frá Holti í Þistilfirði árið 1937. Þau bjuggu á Hermundarfelli fyrstu árin en reistu svo nýbýlið Hagaland og bjuggu þar frá 1942 til 1946. Þá fluttu þau til Akureyrar og var Einar þar lengi húsvörður við Barnaskóla Akureyrar. Einar var mikilvirkur rithöfundur og gaf bæði út ljóð,  smásögur og leikrit. Alls komu út eftir hann 14 bækur. Fyrsta bók hans, Septemberdagar (smásögur), kom út 1952. Þá kom út eftir hann bókin Góðra vina fundir: ritgerðir, leikþættir, ljóð á Akureyri 1985. 
   Einar sá um útvarpsþáttinn, Mér eru fornu minnin kær, á árabilinu 1980–1990. Þeir snerust einkum um þjóðlegan fróðleik og nutu mikilla vinsælda. Einar lést 6. júlí 1996.   ↑ MINNA