Kórfélagar

Halldór í K.E.A. með höfuðið bjart
lét heillast af Framsóknar spjalli,
en það hefur leikið hann helvíti hart,
því hratt vex hans mjallhvíti skalli.
Hann fylgja ætti þjóðvörn um ókomin ár
þá aftur mun vaxa hans fallega hár.
Reynsla hans Dóra varð svikul og sár.
Hans Dóra ...... hvaða Dóra?
Nú hans Dóra, Dóra, Dóra, Dóra í kórnum.

Hann Villi í margskonar viðskiftum berst
sem að virðingu og aur honum gefur.
Í ár hafa hrognin þó auðgað hann mest
og allskonar sóma af þeim hefur.
Röddin hans háa er hrein eins og mjöll
heyrist um dali og berst yfir fjöll.
Hans er því saga með ágætum öll.
Hans Villa ... hvaða Villa?
Hans Villa, Villa,Villa, Villa í kórnum.

Halldór á Melum er harður við flest
enda hetja úr Framsóknarliði.
Þó útgerðin gangi ekki alltaf sem best
og erfitt að standa ´því sviði.
Hall var hjá KEA og er það víst enn
enda mörg dæmi um ráðsnjalla (samskonar ) menn.
Hann kann líka á þeim þar taumhöldin tvenn.
Hann Dóri ... hvaða Dóri?
Hann Dóri, Dóri, Dóri, Dóri í kórnum.

Hver hefur í kórnum þá kvenlegu rödd
það er kempan frá Brekkukoti.
Og illa værum við öllsömun stödd
ef oft lægi kappinn í roti.
Hann syngjandi leggur því hnakk á sinn hest
en hefur sig áður þó dálítið hresst.
Kemur á sviðið og kveðandi sest.
Hann Tryggvi .... hvaða Tryggvi?
Nú hann Tryggvi, T T T í kórnum.

Þið sjáið hann Bomma á senunni hér
það sjást þar oft lakari fuglar.
Heppnast að láta oft hlæja að sér
hérumbil sama hvað ruglar.
Hann syngur og leikur og drekkur og deyr.
Drottinn minn góður, ég segi ekki meir.
Svo yrkir hann líka þann andskotans leir.
Hann Bommi .... hvaða Bommi?
Nú hann Bommi, B B B í kórnum.

Árni vor kaupmaður kappsamur er
kann ekki við sig með lítið,
því prangaraeðlið á hann í sér
þó allmörgum finnist það skrítið.
Hvað ætli stríðið hans standi í mörg ár.
Stór hlaut nú Valdimar glópskunnar sár.
En Árni er jafnan í kollinum klár.
Hann Árni .... hvaða Árni?
Nú hann Árni, Á Á Á í kórnum.